قصيدة: ليه .. ؟

أنا خايف يوم لتسألني ايه الموضوع

وليه الحر لو يهتف يكون ممنوع
وليه العار حوالينا شجر وفروع
وليه الدمع في عنينا الم موجوع
وليه أيامنا قدامنا طريق مزروع
يأس وخنوع
وليه الأمل في طريقنا شجر مقلوع
وليه الأرض محتلة
وليه السهم في جرابه عليه ذلة
وليه القلب ليه جاحد نسي الملة

وليه بنداري علي سكوتنا وبندور علي علة
وليه الشمس في بلادي ماليها وجود
وليه الموت بقي عادي وما بينا سدود
وليه الجندي قاعد بنا كإنا جنود
وليه الحرب لو قامت تكون بنا
وما ليها حدود

انا خايف يوم متسألني
ما هتلاقي كلام يتقال
لان الهم في بلادنا بيوت وجبال
وسكوتنا عليه بقي حكمة لكل سؤال
حتي الدم في عروقنا
لو فكرنا يوم يغلي
هيبقي محال